يسرا تكشف عن معاناتها مع "القلق المزمن من الغد"

كشفت الفنانة  يسرا خلال لقاء تلفزيوني سابق عن موقف إنساني وطريف في آنٍ واحد، مرت به خلال زيارتها لطبيب شهير في العاصمة البريطانية لندن قبل أكثر من 11 عامًا وعندما كانت تسعى للاطمئنان على حالتها الصحية من خلال فحص طبي شامل.

وقالت يسرا خلال اللقاء: “روحت لدكتور كبير في لندن، بروفيسور عظيم كده، وسألني قبل الكشف عن الأمراض اللي جتلي، فقولتله إن جالي الحصبة، وعملت عملية الزايدة، وكام حاجة تانية، وقولتله إني جاية علشان أعمل فحص طبي كامل".

وتابعت الفنانة يسرا حديثها مازحة: “لقيته بيدخل في حياتي الشخصية أكتر، فقولتله: مش هتكشف عليا بقى؟ ولا إيه؟، فضل يكتب ويكتب، وفي الآخر بعتلي تقرير طبي طويل، قولت أكيد فيه حاجة".

وأضافت يسرا: “لقيته كاتبلي في التقرير: Mrs. Nassim you have chronic anxiety from tomorrow .. يعني السيدة نسيم.. لديك قلق مزمن من الغد!”.

وختمت يسرا حديثها قائلة: “قالي إنتي مش مريضة، إنتي عندك قلق مزمن من بكرة، وده مش هيروح، أصل بكرة ملوش أمان!”