مفيدة شيحة تتمنى ربع حظ الأهلي.. وسهير جودة ترد: له نصيب الأسد!
أعربت الإعلامية مفيدة شيحة عن دهشتها من تصدر النادي الأهلي مجموعته في بطولة كأس العالم للأندية رغم التعادل، قائلة: "أنا مبسوطة وأنا أهلاوية طبعًا، بس بجد الأهلي عملها إزاي؟! كل الفرق اتعادلت، ومع ذلك الأهلي هو اللي اتصدر!".
وأضافت مفيدة خلال برنامجها "الستات" المذاع عبر قناة النهار: "إحنا بنتكلم عن الأهلي اللي اتعادل مع إنتر ميامي، وبالميراس اتعادل مع بورتو، ومع ذلك محدش سجل ولا استقبل أهداف، وبرغم كده الأهلي خد الصدارة.. يارب ربع حظ الأهلي!".
وأكدت الإعلامية سهير جودة أن كل الفرق المشاركة في المجموعة كانت متساوية في النقاط والأداء، لكن الأهلي خرج بنصيب الأسد من البطاقات الصفراء، مشيرة إلى أن الاتحاد الدولي لكرة القدم "فيفا" أعلن تصدر الأهلي رسميًا للمجموعة، رغم التعادل.
واختتمت سهير حديثها قائلة: "الأهلي رغم كل الظروف، قدر يحط اسمه في المقدمة.. وده مش جديد عليه، بس الملفت المرة دي إن كل الفرق أدت نفس النتيجة، ومع ذلك الأهلي لوحده اللي طلع من فوق".