لميس الحديدي: "الأهلي يواجه ميسي وسواريز.. ونتمنى أول انتصار في مونديال الأندية"
علّقت الإعلامية لميس الحديدي على اللقاء المرتقب أمام نادي إنتر ميامي الأمريكي، مؤكدة أن الفريق المصري سيخوض مواجهة تاريخية أمام نجوم عالميين يتصدرهم ليونيل ميسي ولويس سواريز.
وقالت الحديدي خلال برنامجها "كلمة أخيرة" المذاع عبر قناة ON: "الساعة 3 صباحًا، الأهلي هيلعب أول مباراة رسمية في البطولة أمام إنتر ميامي.. وهنشوف نجوم نعرفهم كويس زي ميسي وسواريز، لكن الأهلي كمان مليان نجوم، وعنده فرصة يقدم أداء يليق بيه وباسم مصر".
وأضافت: "دي أول مشاركة للأهلي في النسخة الجديدة من كأس العالم للأندية، اللي بتقام بنظام مختلف، وده معناه إن كل ماتش مهم، وكل لحظة ممكن تصنع التاريخ.. ونتمنى طبعًا إن الأهلي يحقق أول انتصاراته ويشرفنا في المحفل العالمي ده".
واختتمت حديثها برسالة دعم قوية: "الناس كلها هتصحى بدري أو هتسهر مخصوص علشان تشوف المباراة.. الأهلي مش بيلعب لوحده، دي مصر كلها وراه، وإن شاء الله يفرحنا ويرفع راسنا قدام العالم".