عايدة الأيوبي: "كل أغنية كتبتها حتة مني.. ولازم أحس قبل ما أكتب"
كشفت الفنانة الكبيرة عايدة الأيوبي عن تفاصيل علاقتها الخاصة بالكلمات التي تكتبها، مؤكدة أن كل أغنية تخرج منها تحمل جزءًا من روحها ومشاعرها، وقالت الأيوبي: "كل أغنية كتبتها حتة مني، مش بكتب لمجرد الكتابة، ولازم أحس بكل كلمة قبل ما تطلع".
وتحدثت الأيوبي خلال استضافتها عبر برنامج" أسرار النجوم " المذاع عبر قناة نجوم إف إم، عن طريقتها الخاصة في الكتابة، مشيرة إلى أن دخولها في الحالة المناسبة لكتابة الأغنية قد يستغرق وقتًا طويلاً، وأضافت: "أنا مش من الناس اللي تكتب أغنية في يوم وليلة، ممكن أكتب حاجة النهارده وأفضل شايلها سنين، لحد ما ييجي وقت أحس إنها دلوقتي تنفع تتقال".
ورغم أن بعض الأغاني تعبر عن تجارب عاشتها بالكامل، إلا أن عايدة أكدت أنها لا تكتب إلا ما شعرت به بصدق، موضحة: "مش شرط أكون مريت بنفس الظروف، لكن لازم أكون حاسّة بالموضوع كويس، وإلا مش هقدر أكتب عنه".
واختتمت الأيوبي حديثها بالتأكيد على أهمية الإحساس في أي عمل فني، قائلة: "لو حد قالي اكتبيلي موضوع، لازم قبل أي حاجة أحس بيه وأدخل في الجو، من غير ده مش هعرف أكتب، الإحساس هو البداية والنهاية في الفن".