سلوى عثمان: أكتر اثنين مفتقداهم في العيد هما أبويا وأمي
كشفت الفنانة سلوى عثمان في تصريح خاص عبر" وشوشة" عن طقوسها في عيد الأضحى المبارك حيث أشارت عن العادات التي تقوم بها في العيد.
حيث تحدثت:" انا في الساحل وبحب أن اكون في العيد مش في مصر مش في القاهرة بنعيد والدبح".
وتابعت:" وزمان العيد مكناش بنسافر الا اسكندرية دلوقتي الحمد لله بنسافر الساحل بس الطيب مش الشرير والحمد لله الناس كلها مبسوطة".
واستكملت عن أكتر شخص مفتقداة في العيد حيث قالت:" والله هما أكتر اتنين انا مفتقداهم في العيد ابويا وامي ابويا لسة متوفي السنة اللي فاتت مكناش ساكنين في نفس البيت لكن كنت بكلمه اطمن عليه واقوله كل سنة وانت طيب وهو بيعيد عليا ويقولي كل سنة وانتي طيبة بس دلوقتي مش موجود مفتقداة ومفتقدة امي لانها ميته من زمان بس اكتر اتنين مفتقداهم".
وأردفت:" اليومين دول انا الحمد لله ربنا يخليلي اخويا يارب ببقى معاهم وولاده وطبعا انا معنديش ولاد ولاده اللي بياخده العيدية بنات هشام اخويا بس انا مبخدش عيدية للاسف او ساعات جوزي امسك فيه لحد مااخد العيدية ممكن اخد عيدية من جوزي لكن بدي عيدية للبنات".
وأختتمت حديثها برسالة الى جمهورها حيث قالت:" كل سنة وهو طيب وعيد اضحى سعيد ويارب دايماً في أعياد وربنا يحفظ بلدنا ويحفظ شعبنا وحفظ جيشنا ومصر كلها تبقى محفوظة".