بعد الهجوم عليه.. دنيا سامي تدافع عن مصطفى غريب: سندي في الحياة
أثارت تصريحات الفنانة دنيا سامي عن الفنان مصطفى غريب في برنامج "صاحية السعادة" غضب الجمهور والهجوم عليه حيث أنها صرحت عن تفاصيل علاقتهما وفكرة التنمرعليها وهو ما اعتبره البعض إهانة لها.
دافعت دنيا سامي عن الفنان مصطفى غريب من خلال منشورا منذ قليل عبر حسابها الشخصي على موقع "فيسبوك".
قالت دنيا سامي: "بالنسبة للبوستات المنتشرة اللى مشيرة حلقتي مع أستاذة إسعاد يونس اللى أنا بقول فيها أن مصطفى غريب بيتريق عليا وبيقول عليا وحشة وده طبعاً جاب لمصطفى الكلام والشتيمة أولاً شكراً على دفاعكوا عني بس أنا أصلاً مش زعلانة من حاجة وأنا ومصطفى صحاب ودفعة واحدة واحنا الاتنين اتمرمطنا زى بعض وأنا كنت بحكي ده بهزار لإني عارفة إني قمر".
أضافت: "مصطفى غريب ده أقرب وأجدع وأطيب بنى أدم فى حياتي وحياة كل صحابه ولو قعدت اتكلم عليه من هنا لـ١٠٠ سنة مش هيكفي والله قد أيه هو ضهري في الحياة، واللى أنا قولته فى البرنامج على اللى مصطفى بيقوله عليا ده هزار بين أى صحاب في أي شلة".
تابعت قائلة: “وأنا الحمدلله معنديش عقد ومش حتى عندى عقد ومش عارفه ومش عندى عقد هتظهر بعد كده هو بجد مفيش حاجة وأصلاً لو كملتو باقى الحلقة مع أستاذة إسعاد هتعرفو أننا مسكناه تريقة وتقطيع أكتر من اللي هو بيهزر فيه معايا بكتير، ولو سمحتو محدش فى الدنيا يشتم مصطفى غريب غيري”.