لؤي السيد يوضح لـ”وشوشة” حقيقة اقتباس فيلم "الشيطان شاطر" من قصة واقعية!
أكد المؤلف لؤي السيد أن فيلمه الجديد “الشيطان شاطر”، الذي يجمعه بالفنان أحمد عيد ،لا يستند إلى قصة حقيقية، بل ينتمي إلى نوعية الكوميديا السوداء التي اعتاد تقديمها مع عيد في عدد من التجارب السابقة، والتي ما زال يعتز بها كثيرًا.
وقال لؤي في تصريح خاص لـ”وشوشة”: “الفيلم مش مبني على قصة حقيقية، لكنه بينتمي للخط البلاك كوميدي، وده النوع اللي دايمًا كنت بقدمه مع أحمد عيد، اللي أنا باحترم أعماله جدًا".
وتابع: "الفيلم بيحمل طابع إنساني، فيه ضحك وفيه عمق، وفيه تفاصيل عن الإنسان وحياته اليومية، ومليان مفاجآت".
وأضاف: "الرسالة الأساسية في الفيلم مش واحدة، دي مجموعة رسائل، بس أنا مش بحب أقول للناس الفيلم بيقول إيه أو رسالته إيه، لأن دي حاجة لازم كل مشاهد يحسها بطريقته الفيلم بيتكلم عن الإنسان، عن البني آدم، والناس هي اللي هتقرر هو بيكلمهم عن إيه بالظبط".
وعما إذا كانت الشخصيات، قد كُتبت خصيصًا لممثلين بعينهم، أوضح: "الشخصية الرئيسية طبعًا كانت مكتوبة من البداية لأحمد عيد، لكن بقية الكاست تم اختياره بالتعاون بيني وبين المخرج والأستاذ أيمن يوسف المنتج وأحمد عيد نفسه. كلنا كنا بنتناقش علشان نختار الأسماء الأنسب”.
أما عن وجود شخصية تعبّر عنه أو تُشبهه داخل الفيلم، فأجاب: “الحقيقة مفيش شخصية معينة في الفيلم بتشبهني، ومفكرتش في ده وقت الكتابة هو مش فيلم بيشبهني شخصيًا، هو بيشبه الإنسان عمومًا، بيشبه البني آدم اللي عايش في العصر ده، بكل ما فيه من صراعات وتساؤلات وهموم”.