رضوى جودة لـ”وشوشة”: دوري في فيلم "بنات فاتن" قريب من القلب

أعربت الفنانة رضوى جودة، عن سعادتها بالمشاركة في فيلم “بنات فاتن”، مؤكدة أنها انتهت من تصوير نحو 50% من مشاهدها.

وقالت في تصريح خاص لـ"وشوشة": "صورت تقريبًا نص مشاهدي، وفاضل أقل من أسبوعين ونكون خالصين تصوير تمامًا إن شاء الله".

وأردفت: “الدور مختلف جدًا، والقصة نفسها واقعية وقريبة من الناس، ومفيش أي شبه بينها وبين اللي قدمته قبل كده".

وتابعت قائلة: "كمان وقوفي قدام الفنانة الكبيرة يسرا، والنجم باسم سمرة لأول مرة، ومعاهم هدى المفتي، كان دافع قوي ليا. بصراحة، الأستاذ نادر واحد من أهم المكاسب في حياتي، على المستوى الفني والإنساني.. هو أكتر حد آمن بيا وشجعني".

وواصلت: "أنا بقدم شخصية بنت بسيطة جدًا، طالبة في الجامعة، وهي الصديقة المقرّبة لهدى المفتي في الفيلم علاقتهم قوية جدًا، شبه الأخوات، وهي دايمًا سند ليها وواقفة جنبها في كل الظروف، حتى علاقتها بوالدة هدى في الأحداث فيها روح الأسرة الواحدة".