خالد أبو بكر: العالم لا يعترف إلا بالمصالح والقوة.. وياريت كل واحد يخليه في حاله!‎

أكد الإعلامي خالد أبو بكر أن العالم اليوم لا تحكمه العواطف أو الشعارات، بل تحكمه المصالح والقوة والمال، قائلًا: "نحن في عالم لا يعرف إلا المصالح، ولا يعرف إلا القوة ولا يعرف إلا الفلو، هو انتوا فاهمين إيه!".

وانتقد خالد أبو بكر، خلال حديثه في برنامج "آخر النهار"، المذاع على قناة النهار، الأصوات التي تُقلل من أهمية الصفقات الاقتصادية التي عُقدت مؤخرًا خلال جولة الرئيس الأمريكي السابق دونالد ترامب في منطقة الخليج، مضيفًا: "اللي طالع يقول أصل هما دافعين لترامب، طب هو اللي دفع 200 مليار دولار ده مش هياخد بيها طيارات؟!"

وتابع: "امبارح تم توقيع اتفاقيات في السعودية بـ80 مليار دولار في مجال الذكاء الاصطناعي، ده كله لصالح مين؟ أنتم فاكرين الدول بتتحالف إزاي أو بتحمي مصالحها إزاي؟".

ووجّه خالد أبو بكر رسالة حادة إلى من ينتقدون هذه التحركات دون فهم عميق للواقع السياسي والاقتصادي، قائلًا: "حضرتك يا اللي بتتكلم، أنت بقى بتعمل إيه؟ زي عواجيز الفرح بتقول ده عمل ليه وده سوى ليه! والنبي كل واحد يخليه في حاله!".

واختتم حديثه برسالة واضحة: "يا جماعة، أرجوكم، العالم كله بيتحدث اليوم بلغة واحد، وهي: أين هي المصلحة؟".