كندة علوش: مش عايزه أولادي يكونوا ولاد خواجات!
كشفت الفنانة كندة علوش عن حرصها الشديد على ترسيخ الهوية الثقافية والحضارية المصرية في نفوس أبنائها، مؤكدة أنها تبذل مجهودًا كبيرًا لغرس الفخر والانتماء لديهم تجاه مصر وتاريخها العريق.
وقالت كندة علوش خلال حوارها مع برنامج "سينماتك" المذاع على قناة SBC: "أنا كنت حريصة طول الوقت أوصل لبنتي إنها جاية من مكان حضارته كبيرة ولازم تكون فخورة بده، وبقعد أوريها ليه لازم تكون فخورة، وبوريها النيل وعظمته والآثار كمان."
وأشارت إلى أن ابنتها كانت متحمسة جدًا للتجربة السياحية، مضيفة: “هي اللي أصرت تدخل معبد فيلة، ودخلتها، وكانت بتحب تسمع الحواديت وتقعد تستمع للمرشدة السياحية بحماس شديد”.
وأكدت كندة أن هذا التوجه نابع من قناعة راسخة لديها منذ البداية، موضحة: "كان القرار من البداية إن أولادي يبقوا متجذرين جدًا، ومش من الولاد الخواجات اللي لما تشوفيهم تحسي مالهمش علاقة بثقافتنا، لأ، أولادي مصريين ولازم يكونوا متشبعين بالحضارة والثقافة."