فتحي عبدالوهاب: احترام الست جزء من تربيتي وحياتي
أعرب الفنان فتحي عبد الوهاب عن احترامه العميق للمرأة، مؤكدًا أن هذا الاحترام ينبع من إدراكه لمكانتها الحقيقية في حياته الشخصية والمجتمع عمومًا.
وقال فتحي عبد الوهاب، خلال حديثه في برنامج "كلمة أخيرة" المذاع على قناة ON: "أنا بحترم المرأة جدًا، لأنها أمي الله يرحمها، وأختي وعمتي وبنتي وأستاذتي وجارتي، فطبيعي جدًا ولازم إني أحترمها بكل الأشكال".
وأضاف: "المرأة هي نص المجتمع، ولو تخيّلنا إن المجتمع ده شغال بجسد واحد، فإنت بتتكلم عن جسد بيشتغل بنصف طاقته فقط، وده معناه خلل كبير".
وعن علاقته بابنه، قال فتحي عبد الوهاب: "في الأمور اللي بتتعلق بالخبرة، مش دايمًا بكون ديمقراطي معاه، لأن دي حاجات أنا عارف نهايتها. فبقوله رأيي بصراحة وبقوله خلي بالك، لكن في الآخر لازم أسيبه يخوض التجربة بنفسه، لأنها حياته، وهو اللي لازم يتعلم منها".