فيفي عبده عن شائعات وفاتها: مش عاوزة أموت دلوقتي!
أعربت الفنانة فيفي عبده عن استيائها من الشائعات المتكررة حول وفاتها، مؤكدة أنها تواجه هذه الأخبار الكاذبة بشكل مستمر على مواقع التواصل الاجتماعي، وأنها لا تتردد في حظر من ينشرها.
وقالت فيفي عبدة، خلال حديثها في برنامج "كلام الناس" المذاع على قناة mbc مصر: "الناس بيموتوني كل يوم، ولما بشوف حد منزّل حاجة زي كده بعمله بلوك فورًا. وعادل إمام كمان، ربنا يديله الصحة وطول العمر، كل شويه يموتونا سوا، ومابقيناش نصدق إيه اللي بيتكتب!".
وتطرقت فيفي إلى التغيّرات التي طرأت على المجتمع، مشيرة إلى اختفاء بعض القيم، وأضافت: "لو في مشكلة، لازم اللي عنده حاجة يقولها، مينفعش نسكت.د، الدنيا اتغيرت والناس كمان، بقى فيه جشع، بقوا يدوروا على الورث قبل ما يدفنوا الميت، وده قلة احترام".
وأكدت أن من تربى على الأصول يعرف كيف يتعامل مع الموت بكرامة، قائلة: "الناس المحترمة لما حد يموت يطلعوا من فلوسه يغسلوه، يعملوا له عزاء، ولو عليه دين يدفعوه. لكن اللي بنشوفه دلوقتي حاجة تانية خالص".
واختتمت فيفي عبدة حديثها بنبرة صريحة قائلة: "أنا مش بقول على نفسي، بس بقول يا رب يطوّل في عمري ويديني الصحة، وأنا مش عاوزة أموت دلوقتي!".