خالد أبو بكر: لو عندك شقة أو قصر في الساحل الشمالي إوعى تبيع دلوقتي!
وجّه الإعلامي خالد أبو بكر نصيحة قوية لكل من يمتلك عقارًا في منطقة الساحل الشمالي، مؤكدًا أن الوقت الحالي ليس مناسبًا للبيع، بل هو فرصة ذهبية للشراء.
وقال خالد أبو بكر، خلال حديثه في برنامج "آخر النهار" المذاع على قناة النهار: "نصيحة لكل الناس اللي عندها عقار في الساحل الشمالي، لو سمحت متبيعش دلوقتي، ولو تقدر تشتري اشتري حتى لو بالتقسيط على سبع أو ثمان سنوات، وأنا مسؤول عن كلامي ده وإحنا في شهر مايو 2025".
وأشار إلى أن الطفرة العمرانية في الساحل الشمالي غير مسبوقة، واصفًا المشروعات الجديدة بأنها "مخيفة" من حيث ضخامتها وقوة الاستثمارات فيها، وأضاف: "الاستثمارات جبارة، سواء من إماراتيين وقطريين أو شركات مصرية من العيار الثقيل زي هشام طلعت مصطفى، ياسين منصور، وإعمار... حاجة جميلة بجد".
وأكد أن الساحل الشمالي بات منافسًا حقيقيًا لأشهر شواطئ العالم، وقال: "اللي سافر وشاف شواطئ إسبانيا أو جنوب فرنسا هايلاحظ الفرق، الساحل الشمالي المصري بقى حاجة تانية".
واختتم حديثه قائلاً: "لو عندك شقة أو أوضة وصالة أو حتى قصر في الساحل الشمالي، اصبر عليه.. الأيام الجاية هتثبتلك إنك كسبان".