لميس الحديدي بعد واقعة الطفل ياسين: علينا تعليم أطفالنا الشجاعة

أكدت الإعلامية لميس الحديدي أهمية التوعية بكيفية التعامل مع الأطفال في ظل تزايد الحوادث المؤسفة التي تطالهم، مشيرة إلى واقعة طفل البحيرة كمثال مؤلم يستوجب التوقف والتأمل.

وقالت لميس الحديدي خلال حديثها في برنامج "كلمة أخيرة" المذاع على قناة ON: "اتكلمنا قبل كده عن الموضوع ده كتير، لكن الحقيقة من بعد مسلسل 'لام شمسية' وتعاقب الحوادث المؤسفة اللي حوالينا، بقى مهم نعرف إزاي نتعامل مع أطفالنا، ونحذرهم من غير ما نخوفهم، علشان ما يطلعوش أطفال جبناء أو مرعوبين".
 

وأضافت: "كمان لازم نعلمهم يحطوا حدود، ويعرفوا يتصرفوا، ولا قدر الله لو حصلت أي حاجة، نكون عارفين إزاي نتعامل معاهم نفسيًا."

وأكدت أن هذه المسؤولية لا تقع على الأمهات فقط، بل تشمل الآباء والمدارس كذلك، مضيفة: "فيه دور مهم جدًا للمدرسة في الحتة دي، ولازم الكل يتعاون علشان نخلق بيئة آمنة وسوية لأولادنا".