عمرو أديب عن إقامة مباراة ملاكمة في تايمز سكوير: حدث غير مسبوق!

أعرب الإعلامي عمرو أديب عن اندهاشه من إقامة مباراة ملاكمة في قلب ميدان تايمز سكوير بمدينة نيويورك، واصفًا الحدث بأنه "غريب وغير مسبوق"، ومؤكدًا أن العالم كله يتابع ما يحدث بدهشة.

وقال عمرو أديب خلال حديثه في برنامج "الحكاية" المذاع على قناةmbcمصر: "مين كان يصدق! لو كنت حلفتلك إن هيبقى فيه مباراة أو عدة مباريات ملاكمة في ميدان التايمز سكوير ويتم إغلاقه بالكامل وإخلاؤه من السيارات وسط عشرات الآلاف، كنت هتقول مستحيل. لكن ده اللي حصل".

وأضاف: "النهاردة كل وسائل الإعلام مش مصدقة، وبتتكلم عن إزاي الميدان اتقفل عشان يتعمل فيه حاجة زي دي! لأن دي حاجة عمرها ما حصلت قبل كده".

وتابع: "اللي متعودين عليه في تايمز سكوير إنهم بيقفلوا الميدان ليلة رأس السنة عشان الحفلة السنوية، لكن إنك تعمل مباراة ملاكمة يتفرج عليها آلاف الناس في الشارع، دي حاجة غريبة فعلًا".

وأشار عمرو أديب إلى الأجواء غير المعتادة التي يشهدها الميدان حاليًا: "الحر هنا فظيع، والشمس قوية جدًا، وفيه حضور مباشر لعشرات الآلاف حوالين الحلبة، لكن في نفس الوقت مئات الآلاف بيتابعوا من خلف الشاشات في نفس المكان".