ريهام عبدالغفور عن صورتها مع أحمد زاهر: مبسوطة إن الناس ربطوها بذكريات "الحقيقة والسراب"

علّقت الفنانة ريهام عبد الغفور على الصورة التي جمعتها بالفنان أحمد زاهر في حفل زفاف ابنته ليلى، وذلم بعد تصدرها التريند.

وعلقت قائلة: "أنا طبعا كنت بتصور مع أبو العروسة، مكنش في دماغي إن ده اللي هيحصل والناس هتربطه بمسلسل الحقيقة والسراب، بس أنا اتبسطت إن الناس لسه فاكرة، لأن لما حد يفتكرك بدور من 20 سنة ده معناه إنه لسه مأثر فيه، وده شيء كويس".

وأضافت، خلال حوارها مع ET بالعربي: "أنا كنت بباركله هو وليلى وهدي، وكلهم حبايبي يعني".
 

أما عن مشاركتها في مسلسل ظلم المصطبة، فتحدثت ريهام عن أحد أصعب مشاهده، قائلة: "مشاهد العين كانت صعوبتها في تنفيذها، وقعدنا نعملها كذا مرة علشان نوصل للشكل ده، وده طبعًا بقيادة أستاذ هاني خليفة، وعمرو عبد الله اللي عمل إفكت عظيم، وأنا بسميه الساحر".

واختتمت حديثها قائلة: "كانت مشاهد صعبة، بس كانت تحدي ومهمة، وكنت بحبها أوي".