مصطفى غريب: تشبيهي بالراحل طلعت زكريا وسام على صدري
أعرب الفنان مصطفى غريب عن سعادته بردود فعل الجمهور حوله بعد مشاركته في مسلسل "أشغال شقة".
وعلق قائلاً: "الحمد لله مبسوط بدرد الناس عني، وربنا بيبقى بيوقّفك، وده بيبقى نتيجة نجاح، والحمد لله إن الناس عجبها المسلسل، وإن شاء الله الأعمال الجاية تعجبهم كمان".
وأضاف مصطفى غريب، خلال حديثه مع قناة المشهد لايت، أنه من محبي الفنان الراحل طلعت زكريا، قائلاً: "أنا بموت فيه، وطبعًا تشبيهي بيه ميزعلنيش خالص، بالعكس، أنا كده كده من عشاقه، وده شرف كبير ليا".
وأشار إلى رغبته في تقديم أدوار متنوعة وعدم التقيد بنمط معين، موضحًا: "نفسي أعمل حاجة حلوة، سواء كانت كوميدي أو تراجيدي أو أي نوع، المهم تكون لامسة الناس وحباها، مش هتفرق بقى نوعها إيه".
واختتم حديثه مؤكدًا أنه لا يملك خطة محددة في الوقت الحالي، قائلاً: "مش عندي خطط أوي دلوقتي، بس نفسي أعمل حاجات حلوة، وهي دي الخطة اللي في دماغي، إزاي وامتى؟ مش عارف".