مصطفى غريب: مسلسل "برستيج" من ألطف التجارب اللي اشتغلت فيها
كشف الفنان مصطفى غريب عن كواليس تحضيره لشخصيته في مسلسل "برستيج"، مؤكدًا أن الشكل النهائي للدور جاء بعد جلسات عمل مطوّلة ومناقشات مع صنّاع العمل.
وقال مصطفى غريب، خلال حواره مع قناة المشهد لايت: "قعدت مع أستاذ عمرو سلامة وأستاذة إنجي، وفهموني هم عاوزين الشخصية تطلع إزاي على الورق، وبدأنا نتفق على تفاصيل مختلفة، قريت الدور كذا مرة بأكتر من طريقة، وبعدها سبتهم وقعدت مع نفسي أفكر هعمل الشخصية إزاي، لحد ما وصلنا للشكل النهائي اللي هتشوفوه".
وأعرب عن سعادته بالأجواء في كواليس التصوير، قائلاً: "فريق العمل كله ناس لذيذة جدًا، وبصراحة بعتبر دي من ألطف التجارب اللي اشتغلتها. كل الناس كانت عايزة تشتغل وتطلع الشغل حلو، وده بيخلي أي حد في وسط الجو ده يبقى مبسوط جدًا".