محمود البزاوي: محمد رضوان "ممثل مستفز".. ونادين لديها كاريزما
أشاد الفنان محمود البزاوي بأداء الممثل محمد رضوان، مؤكدًا أنه من الفنانين الذين يحب التمثيل أمامهم، لما يمتلكونه من قدرة على تحفيز زملائهم على تقديم أفضل ما لديهم.
وقال محمود البزاوي، خلال حديثه في برنامج "واحد من الناس" المذاع على قناة الحياة: "أنا بحب أمثل قدام الناس دي بقى، والأساتذة اللي من النوع ده اللي بيميزه ودايمًا بقولها إن أنا بحب الممثل المستفز، بمعنى إنه يستفزك لصنع ريأكشن، أو يستفزك للحظة صمت، ومحمد رضوان من الناس دي".
وعن الفنانة نادين، كشف محمود البزاوي أنه لم يتعرف عليها في البداية عند وصوله إلى موقع التصوير، قائلاً: "نادين دي أنا معرفتهاش أول ما روحت اللوكيشن، ولما قالولي إن نادين في الأوردر استغربت وقلت: ما أنا كنت قاعد معاها دلوقت! ولما فكرت فيها قلت: أيوه هي دي نادين".
وأضاف معبرًا عن إعجابه بها: "لما ركزت معاها، لقيت فيها كاريزما نجمة، وكاريزما واحدة تثق إنك تمثل معاها، بتحس بحالة من الثقة وانت بتمثل قصادها، مع إني ممثلتش قصادها غير مشهدين ولا حاجة كده، إنما هيجي بعد كده".