ريهام سعيد عن محمد رمضان: أصر على وجودي في "ابن حلال".. وإطلالته الأخيرة صدمتنا
أعربت الإعلامية ريهام سعيد عن استيائها من إطلالة الفنان محمد رمضان الأخيرة خلال حفله في الولايات المتحدة، مشيرة إلى أن علاقة طيبة كانت تربطها به، خاصة بعد مشاركتهما الناجحة في مسلسل ابن حلال.
وقالت ريهام سعيد، خلال حديثها في برنامج "صبايا الخير" المذاع على قناة النهار: “أنا كانت بتربطني بمحمد رمضان علاقة كويسة جدًا جدًا، ولغاية النهاردة الناس بتناديني في الشارع باسم فاطمة من مسلسل ابن حلال، لدرجة إنهم ساعات مش بيتخيلوا إن أنا ريهام سعيد، ومحمد رمضان هو اللي أصر وقتها على وجودي في المسلسل”.
وأوضحت أن الجمهور أحب شخصية "حبيشة" في العمل لأنه كان يمثل الشخص البسيط الذي يقف إلى جانب المظلومين، وهو ما ساهم في ارتباط الناس به كرمز شعبي قريب من قلوبهم.
وتابعت: "الناس كانوا شايفين محمد رمضان نفس الحكاية، لكن لما يظهر بالشكل ده في الحفلة.. ليه؟".
وانتقدت إطلالة رمضان المثيرة للجدل، مؤكدة أن مثل هذه التصرفات قد تكون لافتة في الخارج لكنها غير مقبولة لدى الجمهور المصري.
واختتمت: “ممكن أخلي الناس تتكلم عني بطرق كتير جدًا، بس الكلام ده يبقى برا مصر، الجمهور اللي كان واقف تحت في الحفلة كان رافع علم مصر، وأكيد المصريين اللي عاشوا في أمريكا مش هيلبسوا كده ولا يحبوا كده”.