ياسمين عز: لو جوزك زملكاوي.. بوسيه وحطيه جنب الحيطة!

علّقت الإعلامية ياسمين عز، على انتقال اللاعب أحمد سيد "زيزو" إلى النادي الأهلي، معبرة عن دهشتها من توقيت الصفقة.

وقالت ياسمين عز، خلال حديثها في برنامج "كلام الناس" المذاع على قناة mbcمصر: "عتاب كبير لزيزو ليه؟ ينفع اللي حصل ده؟ تروح الأهلي دلوقتي! وسط كل الظروف دي يا كابتن؟".

 وأضافت موجهة حديثها إلى زيزو: "أحب أقولك كلمة: أنت منور الفانلة الحمراء يا كابتن زيزو، وإحنا مستنيينك من زمان، وأن تأتي متأخراً خير من ألا تأتي".
 

كما وجهت ياسمين عز رسالة إلى زوجات مشجعي نادي الزمالك قائلة: "بمناسبة انتقال زيزو للأهلي، عايزة أقول لكل زوجة لو بتحب جوزها الزملكاوي، الأيام دي صعبة عليه جدًا، بوسيه وحطيه جنب الحيط، وما تسأليش رايح فين وجاي منين، وسيبيه في حاله بدل ما تلاقيه سابلك البيت!".

وأشارت إلى تأثير انتقالات اللاعبين على جماهير الزمالك قائلة: "الزملكاوية عايشين أيام صعبة، الأهلي خد زيزو وبنشرقي وأمام عاشور، وفيه كمان كلام على مصطفى محمد، أنتي متخيلة أنا بقولك إيه؟ ولا انتي لسه بتحمري في البطاطس!".