عصام السقا عن كارولين عزمي: الناس كانت بتسألني هتتجوزها امتى!

كشف الفنان عصام السقا عن كواليس مثيرة من تصوير مسلسل "فهد البطل" الذي جمعه بالفنانة كارولين عزمي.

وقال عصام السقا، خلال حديثه في برنامج "الراديو بيضحك" المذاع على راديو 90.90: "اتخضيت من تفاعل الناس والشارع على قصة حب ريكو وراوية، يعني أنا في نص التصوير كان عندي مشكلة في الشارع والناس بتسألني: هتتجوزها إمتى؟". 
 

وأضاف: "كنت دايمًا بقول لكارولين قبل تصوير مشاهد منصور إن نجاح الشخصيات دي هيكون مرهون بنجاح علاقتهم، وفعلاً العلاقة بين ريكو وراوية شدت الناس أكتر حتى من علاقة ريكو بفهد".

وكشف عصام السقا عن نهاية بديلة كانت مطروحة للشخصيتين، قائلاً: "هحرق لكم حاجة! اللي الناس متعرفوش إن في النهاية كان المفروض ريكو يموت! بعد ما يروح البلد وينفذ خططه الانتقامية، كان السيناريو الأصلي بيقول إن ريكو وراوية بيروحوا عند المأذون، وبعد كتب الكتاب، وهما خارجين من البيت، تيجي عربيات غلاب وتقتلهم هما الاتنين".

واختتم حديثه قائلاً: "أنا قلت لأحمد العوضي بلاش نموت ريكو، والحمد لله إننا غيرنا النهاية لأن الناس فعلاً ارتبطت بالشخصية".