عصام السقا: "فهد البطل" رقم 1 من بداية رمضان.. ومشاهد القهاوي تخض!
أعرب الفنان عصام السقا عن سعادته الكبيرة بالنجاح الذي حققه مسلسل "فهد البطل"، مشيرًا إلى أن ردود الفعل الجماهيرية كانت مذهلة، خاصة من خلال الفيديوهات المنتشرة لمقاهي الشوارع التي كانت تعرض الحلقات.
وقال عصام السقا، خلال حديثه في برنامج "الراديو بيضحك" المذاع على راديو 90.90: "اللقطات اللي كنا بنشيرها بتاعة القهاوي في الشارع تخض، وأنا مشوفتهاش غير في جعفر العمدة، وأنا بعتقد إن فهد البطل من يوم 12 رمضان وهو رقم واحد، وفضل محافظ على الرقم ده".
وأضاف: “الفكرة هي فكرة الشارع وكمية الفيديوهات اللي جاتلنا واللي كنا بنشيرها عن القهاوي في الشارع كانت مدهشة، المشاهد فعلاً تخض، ومشوفناش حاجة زي كده إلا في جعفر العمدة، كمية الالتفاف حواليه المسلسل والناس في الشارع طول الوقت فيه نقاش عن فهد البطل، هو ده النجاح الحقيقي، النجاح الملموس، أنا بحب دايمًا النجاح الملموس”.
وتابع: "والنجاح الحقيقي إنك تنزل الشارع وتشوف الناس بتعمل إيه، وتشوف الناس في القهاوي كلها قاعدة بتتفرج على المسلسل بتاعك".
واختتم عصام السقا حديثه بتوجيه الشكر لكل من ساهم في العمل قائلًا: "أنا بشكر ربنا أولاً، وبشكر كل الصناع وكل الناس اللي كانوا ورا الكاميرا قبل الناس اللي قدام الكاميرا على تعبهم ومجهودهم، وربنا يكرمنا في اللي جاي ويوفقنا يارب إن شاء الله".