عصام السقا: تامر حسني قدوتي.. واتحارب علشان ميبقاش موجود!

كشف الفنان عصام السقا عن مشاركته في فيلم جديد بعنوان "ريستارت" مع النجم تامر حسني، موضحًا أن الفيلم كان من المفترض عرضه في موسم عيد الفطر، إلا أنه تقرر طرحه يوم 29 مايو خلال العيد الكبير.

وتحدث عصام السقا، خلال حديثه في برنامج "الراديو بيضحك" المذاع على راديو 90.90، عن تفاصيل شخصيته في الفيلم، قائلاً: “بدور في ريستارت على شخصية مختلفة تماماً عني، ولا عن أي حاجة عملتها قبل كدة”.

وأضاف: "أنا بقدم شخصية (بنهاوي)، مهندس كابلات بحرية، وكنت في البداية مش عارف إن فيه حاجة اسمها مهندس كابلات بحرية! قعدت أذاكر كتير علشان أفهم تفاصيل الشخصية، وهي شخصية مميزة جداً وأعجبتني من أول ما قرأت السيناريو".
 

وأشاد بتجربة العمل مع تامر حسني، واصفاً إياه بأنه قدوة ملهمة له، حيث قال: “تامر بالنسبالي آيفون! وأنا من زمان بحب قصة صعوده ونجاحه، دي قصة مؤثرة جدًا، لما الواحد يذاكر قصة تامر، بيلاقيها قصة كفاح حقيقية”.

وتابع: "لما قعدت معاه قولتله: أنا مش هقدر أتحمّل الحرب اللي أنت اتحاربتها، لأنه فعلاً اتحارب بكل الطرق عشان ميبقاش موجود، لكنه كان عنده إصرار كبير، وهو مش بيعمل حاجة في حياته غير إنه بيشتغل وبيجتهد، وأنا بتعلم منه طول الوقت".

واختتم عصام السقا حديثه قائلاً: "إن شاء الله الفيلم ينزل يوم 29 مايو في العيد الكبير، وبتمنى يعجب الجمهور ويحقق النجاح اللي إحنا متوقعينه".