عصام السقا: أحمد العوضي "طيب وذكي".. ولا يعرف الأنانية!

أشاد الفنان عصام السقا بزميله الفنان أحمد العوضي، معربًا عن تقديره الكبير لشخصيته وتعامله مع زملائه في العمل.

وقال عصام السقا، خلال حديثه في برنامج "الراديو بيضحك" المذاع على راديو 90.90: "أحمد العوضي ذكي جدًا وفي نفس الوقت طيب جدًا، وإحنا دايمًا واخدين فكرة إن الشخص الذكي بيكون صعب التعامل معاه، لكن العوضي طيب جدًا".
 

وأضاف: "دي تاني مرة أشتغل معاه بعد الإسكندراني، لكن في فهد البطل كانت المساحة أكبر وقعدنا مع بعض 3 شهور بنصور كل يوم، وأحمد كان حريص جدًا إن كل الناس تكون أدوارها متوازنة، وده شيء احترمته فيه جدًا لأنه مش من النوع اللي يحب يظهر لوحده كنجم، وده شيء نادر لأننا أكيد بنشوف العكس مع ناس تانية".

وتابع: “العوضي عايز كل الناس تنجح معاه، وسبق وقلت ده مع الأستاذة إسعاد يونس، إن لما الناس تدخل العمل وهي بتحب بعض وعايزين ينجحوا مع بعض، والله لو الدنيا كلها وقفت ضدهم هينجحوا”.

واختتم: "وأنا عشت نفس الحالة دي والمشاعر دي في جعفر العمدة كمان، لأننا كنا داخلين عاوزين ننجح في القصة سواء كانت إش إش أو فهد البطل".