مي عمر: استعنت براقصة بديلة في "إش إش" لضمان الاحترافية!
كشفت الفنانة مي عمر عن كواليس التحضيرات المكثفة التي خاضتها لتقديم شخصية الراقصة في مسلسل إش إش، مشيرة إلى أن الدور تطلب منها مجهودًا بدنيًا كبيرًا وتدريبات مستمرة حتى تظهر الشخصية بأفضل صورة ممكنة أمام الجمهور.
وقالت مي عمر، خلال حديثها في برنامج "الحكاية"، المذاع على قناة mbcمصر: “أي دور بيحتاج مجهود، ومش بس علشان الشخصية رقاصة، حتى أدوار الأكشن بتطلب تدريب لأن فيها ضرب ومشاهد حركة، ونفس الشيء هنا، كان لازم أتمرن كتير جدًا على الرقص”.
وأوضحت أنه رغم التدريبات المكثفة، إلا أن هناك بعض المشاهد التي استعانت فيها براقصة بديلة محترفة.
وأضافت: “كان لازم يكون فيه راقصة بديلة لأن في حركات معينة بتحتاج لاحتراف عالي جدًا. إحنا مش عايزين نطلع المشاهد كأنها راقصة هاوية، إحنا بنتكلم عن شخصية راقصة شعبية، عالمة، بترقص في أفراح الشوارع، فلازم ده يظهر بوضوح”.
وأشارت مي عمر إلى أهمية اختيار دوبلير يشبهها تمامًا في الشكل والملامح: "طبعًا الدوبلير لازم يكون شبه الممثل جدًا، وبيتعمله ميك أب مخصوص عشان التناسق في المشاهد".