عمرو أديب: الكرة المصرية في أسوأ حالاتها.. وشكلنا وحش!
أعرب الإعلامي عمرو أديب عن استيائه الشديد من الحالة الكروية في مصر، مؤكداً أنها تعيش أسوأ فتراتها، حيث وصف الوضع بـ “شكلنا وحش”.
كما أشار إلى تراجع مستوى الأندية الكبرى مثل الأهلي، الزمالك، وبيراميدز.
وأضاف عمرو أديب، خلال حديثه في برنامج "الحكاية" المذاع على قناة mbcمصر: “الكورة المصرية هلخصها في كلمتين وهما شكلنا وحش، ولا الأهلي ولا الزمالك ولا بيراميدز، مش عاوز أقول حاجة”.
وتابع: "لكن شكل الحالة الكروية المصرية سيئ للغاية وشيء غير مشرف، ده قبل ما نتكلم عن مين عمل إيه، والحكام، والتلات نقط، والكلام ده، شكل الكرة المصرية سيئ جداً في وسط المنطقة العربية كلها".
وواصل حديثه: "مفيش أي حد أو دولة عندها الاختراعات والافتكاسات اللي عندنا، ليه مش عارف، فيه كم تخبط وكم فضائح غير طبيعي، رغم أن دي حاجة المفروض أنها مسلية ومبهجة وهواية ولطافة، لكن تحولت لشيء سيئ جداً وتعصب شديد وخناقات غير طبيعية، وأرقام فلوس مذهلة".