محمد شاهين وأمينة خليل يتحدثان عن أسرار وكواليس مسلسل "لام شمسية"

أعرب الفنان محمد شاهين عن سعادته الكبيرة بالعمل في مسلسل "لام شمسية"، مشيرًا إلى أن المخرج كريم الشناوي كان قد أخبره عن المشروع منذ تصوير مسلسل "الهرشة السابعة". 

وقال محمد شاهين، خلال حواره مع ETبالعربي: "كريم الشناوي قالي على مشروع لام شمسية من وقت ما كنا بنعمل مسلسل الهرشة السابعة، وقالي المشروع اللي كنت حكيتلك عنه هعمله، وانت هتكون موجود معايا، وقتها فرحت جدًا لأنني بحترم الراجل ده جدًا وبثق فيه، وكنت متحمس للدور بشكل غير طبيعي".

من جانبها، أشادت الفنانة أمينة خليل بالتعاون المستمر بينها وبين كريم الشناوي، مؤكدة أن الثقة المتبادلة بينهما تطورت على مدار السنوات الخمس الماضية. 

وقالت: "كريم الشناوي من أكتر الأشخاص في العالم كله اللي بيني وبينه ثقة، والثقة دي اتبنت خلال آخر 5 سنين من شغلنا مع بعض، وبقى في بينا لغة حوار مش محتاجة كلام، أنا من نظرة عين بفهم هو عاوز إيه، وهو كمان بيعرف أنا ناوية على إيه في المشهد أو محتاجة إيه".

وأضافت: "بحترمه جدًا مش بس لأنه صديقي على المستوى الشخصي، لكن كمان لأنه شخص عبقري كمخرج، بيعرف يخرج من الممثل أفضل ما عنده بطريقة تخليه مبسوط وهو بيشتغل".