عمرو محمود ياسين يعلق على مسابقات المسلسلات
علق السيناريست عمرو محمود ياسين على فكرة قيام صناع الأعمال الفنية بمسابقات للجمهور كترويج للعمل وذلك من خلال منشورا عبر حسابه الشخصي على موقع "فيسبوك ".
كتب عمرو محمود ياسين: “بصراحة أنا حاسس إني مظلوم في المنافسة السنة دي، كتير مسلسلات عاملين مسابقات وجوايز قيمة، والجمهور متفاعل، وأنا لا عندي مسابقات ولا عندي جوايز يعني حتى لو فكرت أعمل مسابقة، هسأل إيه؟ مين بطل المسلسل؟ وأهدي الفايز إيه؟”.
أضاف: “أنا كدة مش عارف أنافس الصراحة بس لما بفكر كدة، زمان المسلسلات كانت بتنجح من غير كل دة حد فيكم خد عربية لما شاف سوق العصر؟ أو كسب دهب لما تابع ليالي الحلمية؟ النجاح الحقيقي بييجي من الحكاية الحلوة اللي تفضل مع الناس، دة اللي أفهمه ولا الدنيا اتغيرت ولا إيه وأنا اللي مش دريان؟”.
تابع قائلا: “عشان كدة بجائزة أو من غير، مستني محبي وجمهور الدراما في رمضان مع مسلسل وتقابل حبيب لأن الحكاية الحلوة هي اللي بتكسب في الآخر”.
يذكر أن يشارك عمرو محمود ياسين في السباق الرمضاني بمسلسل "وتقابل حبيب" مع المخرج محمد الخبيري ومن بطولة ياسمين عبد العزيز.