محمود الليثي يكشف كواليس تقديم شخصية أصم في “ساعته وتاريخه 2”
شارك الفنان محمود الليثي جمهوره تجربة التحضير لدور أصم في مسلسل “ساعته وتاريخه 2” وذلك عبر حسابه الرسمي على موقع تبادل الصور والفيديوهات "إنستجرام".
وقال محمود:" مصر فيها أكثر من ٧ مليون مواطن من الصم وللأسف هما بيعانوا طول الوقت في الشارع وفي التعامل مع الناس لأن للأسف عدد المترجمين والمطلعين على لغة الإشارة قليل أوي بالمقارنة بعددهم أنا سعيد إني قدمت الشخصية دي لأنها علمتني حاجات كتير أوي وخلتني مهتم أكتر بمجتمع الصم".
وتابع حديثه قائلا:"أنا حابب أشارككم شوية كواليس من الحلقة اللي بجد كانت مجهدة لأبعد الحدود لأنه بخلاف لغة الإشارة وصعوبته، المشاهد أنا قعدت أكثر من ٤٨ ساعة ما نمتش، سواء في البيت أو الشغل علشان أقدر أعيش مع اللي بيحسوا بيه وأجبر نفسي إني أتعامل بالإشارة، والحمد لله كل اللي حوليا قدروا دا وساعدوني عليه لدرجة إن الناس في اللوكيشن بدأوا يكلّموني بالإشارة".
وأضاف:"والتحدي الفني بالنسبة لي أن آخر ممثل قدم النوع دا من الأدوار كان الأستاذ فاروق الفيشاوي في فيلم “الجراج”، ومن قبله الأستاذ نور الشريف في “الصرخة”، فكان تحدي كبير ليا إني أحاول أقدم الشخصية بطريقة مختلفة، وختامًا، ياريت نحاول كلنا ننشر ثقافة تعلم لغة الإشارة علشان إخواتنا ميحسوش بغربة جوا بلدهم".