ياسمين عز للزوجات: علشان تاخدي فلوس من جوزك اتدلعي وقولي "لؤة" بدل "لأ"!

وجهت الإعلامية ياسمين عز نصيحة للنساء، حول كيفية التعامل مع المال في الحياة الزوجية، مؤكدة أن المرأة ليست بحاجة لطلب المال من زوجها عدة مرات في اليوم.

وأوضحت أن حقها في المال محفوظًا، وبإمكانها الحصول عليه مباشرة من أماكن حفظه دون الحاجة للسؤال.

ياسمين عز أكدت خلال حديثها في برنامج "كلام الناس"، المذاع على قناة mbc مصر: “السنة اللي فاتت قلتلك متطلبيش من جوزك فلوس تلات مرات في اليوم، الصبح وقبل النوم وبعد النوم”.

وأردفت: “أنتي فهمتيني غلط، قلتلك كده من حبي ليكي وحرصي عليكي لأن ده حقك علميا وأدبيا، وليكي الحق تمدي إيدك وتاخدي الفلوس من البنطلون أو الدرج، أيهما أقرب بإيديك وصوابعك الزبدية”.

لمشاهدة الفيديو أضغط هنا

وتابعت قائلة: “شوفي هو بيحط الفلوس فين وخدي، لأن ده ليكي ولعيالك وللبيت، مش لبرة، وهيصحى يقولك فين فلوسي وفلوسي نقصت؟”.

واختتمت: انتي ردّي عليه بدلع قولي "لؤه"، ومتقوليليش "لا" ، وشاوري على عيالك "سلاحف النينجا" من غير كلام، وهو هيخاف ويفكر إنك اتجننتي، ويسكت ويلف ويمشي. المهم إنه يمشي".