بعد وجودها في مرمى الانتقادات.. فنانين يدافعون عن مي فاروق

تصدرت الفنانة مي فاروق وزوجها الفنان محمد العمروسي التريند في الأيام القليلة الماضية، وذلك بسبب احتفال مي فاروق بزفافها الثاني من الفنان محمد العمروسي بحضور أبناء مي فاروق، مما جعلها في مرمى الانتقادات من الجمهور اللذين ألقوا اللوم عليها بحجة احترام أولادها وسنها.

حرص عدد كبير من نجوم الفن ورواد مواقع التواصل الاجتماعي على الدفاع عن مي فاروق ومحمد العمروسي مبررين أنها احتفالها بزواجها للمرة الثانية أمر طبيعي جدًا لا يستحق الانتقاد، وفي السطور التالية يستعرض لكم "وشوشة" أبرز تعليقات الفنانين.

قالت الكاتبة والسيناريست إنجي علاء في منشور عبر حسابها الرسمي على موقع التواصل الإجتماعي الشهير "فيس بوك":
"اتنين اتجوزوا وبيفرحوا.. ليه التجريح؟ عمروسي فنان محترم مكافح اشتغلت معاه كتير ويستاهل يفرح ومي فنانة جميلة ومحترمة ربنا يسعدهم ويسعد اولاد مي الحلوين دول وياريت الناس تسيب الناس في حالها محدش عارف التاني ظروفه إيه.. افرحوا لبعض والله مش دايمة لحد والكلمة الجارحة حسابها مش هين".

بينما كتبت الفنانة بدرية طلبة، عبر حسابها بموقع "فيس بوك": "هى مي فاروق غلطت في أيه؟ عندها 41 سنة وتقولولها احترمي سنك؟ دا فيه بنات في سنها ولسه متجوزوش أصلا وبعدين لو على احترمي سنك يبقي تحترمي انتي سنك يا اللي كتبتي التعليق ده، عملت فرح ماتعمل يمكن مفرحتش قبل كدا وربنا بيعوضها بتستكترو الفرح عليها ليه؟".

وأضافت: "عيالها كبار؟ كويس يعني فاهمين وواعين وراضيين ولا انتو شوفتوهم لابسين مقطع وبيعيطو على جنب؟ دول كانو فرحانين وبيشاركوها فرحتها والا أنتي ياللي كتبتي التعليق دا الحنية بتخر منك وأحن على العيال من أمهم؟ مش عاجبك أنها لابسة فستان وطرحة؟ ما تلبس اللي نفسها فيه".

وتابعت :"أتقوا الله في نفسكم لا فرح عاتقنا ولا في حزن راحمنا ناس مريضة وفاضية متعرفوش ربنا ياتحسدو وتحقدو ياتطلعو الغل اللي جواكم في التعليقات".