مجد القاسم يكشف تفاصيل منعه من الظهور ومساندة الزعيم له

حل المطرب السورى مجد القاسم ضيف في برنامج  كلام الناس المذاع على قناة mbc masr  الذي تقدمه الاعلامية ياسمين عز وذلك بعد غيابه عن الساحة الفنية فترة طويلة 

وأضاف من خلال برنامج "كلام الناس"   المذاع على قناة إم بي سي مصر يوم الخميس :"انا مش عايز اوجه طاقة سلبية  للناس احنا جايين ننبسط هو حصل معايا في نوع من الظلم وفي نوع من المشاكل مكنش ليا اي دخل بيها وحطوني فيها ومنعوني من الظهور ودة في الوطن العربي كله اعتقد الحاجات دي  كلها خلصت والحمد لله"

وتابع:" كان الدرس كبير ليا جدا وبعد المنع دة وبعد المشاكل دي كلها روحت طالع بقلب خرب الدنيا اللي هو غمض عينيك واحلام معايا وأسمع بقا مجموعة حداشر أغنية في الألبوم دة أشتغلت عليهم مفيش أغنية غلطت الحداشر أغنية كسروا الدنيا فالحمد لله يعني ربنا عادل قد ماتحسي بالظلم بتيجي لحظة من اللحظات ربنا بيجيبلك حقك فالحمد لله يعني كل واحد بياخد نصيبه 

وأستكمل عن منعه من دخول مصر وعن مساندة الزعيم له:" والله مش عايز احدد بس اكيد كان في ايادي خفية أكيد ساعدت بالموضوع دة وخصوصا إنه انا فترتها   يعني أحد النجوم الكبار جدا جدا يعتبر قالي في إحدى الحفلات قالي ربنا يسترها عليك".

وأردف:" انا كنت صاروخ في مصر والوطن العربي كله لكن تفاجئت في بداية الألفينيات حاجة مكنش ليا دخل بيها انا مجرد إن أنا مثلا أخو نجم إعلامي كبير في الوطن العربي والمحطة ليها اتجاه ومشاكل مع البلاد العربية أنا اتمنعت من كل الوطن العربي من كل الحفلات اتمنعت أربع خمس سنين فطبعا دة أثر عليا وكان يعني أنا ايه دخلني بالموضوع دة يعني انا عملت ايه  وحسيت بظلم رهيب".

وقال :" قعدت فترة مش عارف أعمل اي بس طبعا حب الناس وخصوصا في مصر طبعا على دماغي وأهل مصر اللي هما على دماغي اللي وقفو جمبي بعيدا عن اي حاجة تانية موقفتش أفراح يعني كنت شغال أفراح بشكل كبير جداً الحفلات مثلا البحر الصيف انا قاسم مشترك في الحفلات دي والأفراح فدة كان مساعدني إن أنا أفضل موجود لغاية الحمد لله مالامور بدأت تكون كويسة.