نجوى فؤاد: أنا رقصت من هنا وربنا قال وفتحنا لك فتحًا مبينًا

تحدثت الفنانة نجوى فؤاد، عن بدايتها الفنية، موضحة أنها هربت من والدها وهي بعمر الـ 13 عاما لأنه كان يريد أن يزوجها.

وأضافت "فؤاد" خلال لقاء تلفزيوني مذاع عبر شاشة"Ten": "هربت من أبويا عشان كان هيجوزني وأنا عندي 13 سنة.

وأضافت: جيت أدور على شغل في القاهرة اشتغلت في مكتب شوية وقولت للراجل أنا من اسكندرية وأمي فلسطينية واديته دمعتين عشان يحن عليا شوية".

وتابعت: "قالوا لي تعرفي ترقصي قولت له أنا بموت في الرقص، أنا كان هوايتي الرقص، وكان جنب بيتنا سينما كنت بهرب وأروح أحضر الأفلام وكان فيه ثراء كبير في الفيلم الاستعراضي شافني وأنا برقص وقال هشغلك راقصة، واشتريت أول بدلة بربع جنيه".

واختتمت: بدأت الرقص من هنا وربنا قالي وفتحنا لك فتحا مبينا الحمدلله ربنا اداني نجاح اكتر ما استحق واداني حب الناس.