أول تعليق من والد الطفل ضحية ضرب ابن محمد رمضان
كشف محمد سالم، والد الطفل ضحية ضرب ابن محمد رمضان تفاصيل صادمة بشأن اعتداء نجل محمد رمضان على نجله في أحد النوادي الرياضية.
وقال في تصريحات تليفزيونية، حصل مشادة بين أطفال وكنت فاكر الموضوع بسيط لغاية ما تطور الأمر بين الطفل وبين ابني وقاله أنت عارف أنا ابن مين وكنت فاكر أن الموضوع خلص على ما يبدو أن الطفل التاني اتصل بوالده بعدها ابني خد بعضه ومشي جري وراه وكان فاتح فيديو كول وعمال يشاور عليه بعدها ابني دخل الحمام ودخل وراه وقفل عليه الحمام زي ما بنشوف في الحمام لغاية ما حد جه وطلع ابني.
وتابع بعدها جه الفنان محمد رمضان وكان غاضب وبيتكلم بطريقة غريبة ودخل على ابني وزميله وبدأ يوبخهم بطريقة فيها نوع من الترهيب إحنا بنتكلم على طفل عمره 11 سنة وفنان مشهور عنده 30 أو 40 سنة بعدها ابنه شاور على ابني فساب الولد زميله وهمس في ودن ابنه معرفش قاله ايه فراح ضرب ابني بالقلم.
واختم حديثه قائلاً أحد الأمهات قالت يارب ما يكون ده طفل بيضرب قلم وابني قعد يعيط بهستيريا بعدها طلبت تفريغ الكاميرات ولقيت الإجابة أن الطفل المعتدي يتعرض لضغوط كثيرة وتنمر، فحسيت أن الموضوع مش صح ومكنش فيه رد حاسم فقررت أعمل محضر والحصول على تقرير الطب الشرعي والموضوع الآن أمام النيابة والقضاء علشان أخذ حق ابني هو متضرر نفسيًا ولكن بدأ يتحسن بعد تكاتف زملائه في المدرسة والنادي حوله.