مها أحمد تدافع عن ظهورها عبر التيك توك: مش عاوزة أتعالج على نفقة الدولة ومش هبطل طول ما باخد فلوس

أعربت الفنانة مها أحمد عن غضبها تجاه الانتقادات التي طالتها بسبب تحقيقها لأرباح من منصة "تيك توك"، مؤكدة أنها لن تتخلى عن أي وسيلة تدر عليها المال.

وقالت مها أحمد في بث مباشر على "تيك توك": "أنا بسف على الناس اللي بتسف، وبحب أخرجهم على المسرح، وشغلي على تيك توك أو أي منصة بتحقق لي دخل مش هسيبه طالما بيجيب فلوس."

وأضافت: "أنا مش هقدر أتعالج على نفقة الدولة رغم إني فنانة، وده حقي، بس لو عملت كده هتتنمروا عليا وتقولوا إني بأخذ أدوية الفقراء. عشان كده، أنا هعالج نفسي بنفسي وهعمل علاقات مع شخصيات قوية وداعمين كبار من بره.

وتابع: يمكن أسافر وأشتغل هناك، أو يمكن في شيخة تشوفني وتشغلني، ليه لأ؟ أنا عندي طموح أشتغل بره مش هنا، عشان أنتم متنمرين، ومش هتقولوا إني امرأة قوية بتشتغل وتكسب. هتفسح وأدلع وأكيدكم وأنا قاعدة، وأي مكان فيه فلوس أنا هكون فيه."

يُذكر أن آخر أعمال مها أحمد كان مسلسل "بيت الشدة"، الذي عُرض عام 2022، من إخراج وسام المدني وتأليف ناجي عبد الله، بمشاركة وفاء عامر، أحمد وفيق، إيهاب فهمي، ومحسن منصور، وغيرهم من الفنانين.