روجينا عن حرق وجهها: جالي احساس أنه مش هيرجع تاني
حلت الفنانة روجينا ضيفة على برنامج الراديو بيضحك والذي تقدمه الإعلامية فاطمة مصطفى على راديو 9090 وتحدثت من خلاله عن العديد من الاشياء الهامة والتي من بينها تفاصيل تعرضها لحرق في الوجه أثناء قضاءها إجازة العيد في مدينة العلمين بالساحل الشمالي.
وقالت قضيت أسوأ عيد في حياتي كنت رايحة أصيف واجتهد شوية وقولت عايزة أخد لون ومحستش بحاجة وأنا قاعدة في الشمس وعادة بعمل كدة كل سنة وأما روحت البيت لقيت مناخيري وعينيا وارمين والورم ده مبينزلش.
وأضافت أنا رأس مالي وشي وجالي احساس أنه مش هيرجع تاني طبيعي و في نفس اللقاء بالحديث عن ابنتيها مايا ومريم فقالت عن مايا بتشتغل مساعد مخرج بس مش بتوافق تبقى معايا في عمل فني وده مزعلني جدا ونفسي اشتغل معاها جدا واتمنى ده بس خايفة اقترح عليها ترفض.
أما عن ابنتها مريم فقالت روجينا مريم مش أول مرة تمثل معايا وكل واحد بقى عنده قناة والنقد مبقاش بناء وزي ما فيه بيحبوا فيه بيكره بس اللي عجبني فيها أن النقد ده مأثرش فيها وانا لو مكانها كنت زماني عيطت وموت نفسي واكتئبت فأنا شايفة انها شخصية قوية جدا.