محمود حافظ: لم أتوقع هذا النجاح لـ "عمر أفندي"

استضاف يوسف التهامي وفانا إمام في حلقة اليوم من "عيش صباحك" على "نجوم إف.إم" اليوم الخميس، الفنان محمود حافظ للحديث عن أحدث أعماله الفنية.

وانطق الفنان محمود حافظ في الحديث عن أحدث أعماله والذي يعرض حاليًا وهو مسلسل "عمر أفندي" بطولة أحمد حاتم وآية سماحة ورانيا يوسف وقال اشتغلت مع المخرج عبد الرحمن أبو غزالة قبل كده لما كان مساعد إخراج وهو من زمان كان عاوز يخرج عمل يكون فتحة خير عليا بجد ولما كلمني في شخصية أباظة عجبتني التركيبة من اللي قالهولي فهو نوعية من الأدوار اللي تركيبتها حلوة الشر اللذيذ مش اللي الناس تتضايق منه زي الأستاذ توفيق الدقن وأستاذ عادل أدهم وأنه لم يكن يتوقع هذا النجاح الكبير للعمل.

وأكد الفنان محمود حافظ أنه ليست هناك تصنيفات للممثل مفيش حاجة اسمها ممثل كوميديا وتراجيديا فيه حاجة اسمها ممثل وأنا لما يقدم كوميديا بجتهد إني أسعد الناس مش مجرد أضحك بس وطول الوقت بشوف هعمل إيه في اللي جاي هل هيكون أفضل ولا أقل ولا هتقف مكانك.

وعن الأعمال التي شكت علامات في مشوار محمود حافظ حتى الآن قال إن أبرزها السبع وصايا – الممر الاختيار وكان وش الخير عليا مسلسل السبع وصايا من خلال شخصية الدوكش وهي اللي عرفتني بالسوق وفيه ناس فكروا إني مش مصري أول ما ظهرت بعد كده بدأ الانتشار مع بين السرايات والأسطورة وكلبش والممر والاختيار ودي محطات هي اللي رفعتني مضيفًا المخرج خالد مرعي قال لي في السبع وصايا أنا سلمتك للساحة فخد بالك من اختياراتك.

وأختم حافظ حديثة قائلا اللي عايز ينجح ويحترم عقول الناس مش هتيجي معاه صدفة ففي مجال التمثيل بتاخد بالك من اختياراتك لكن ساعات الموضوع مش بيبقى باختيارك طول الوقت لكن لازم يكون فيه حد أدنى ما تنزلش عنه.