مى كساب: أنا اللى أقنعت شيماء سيف بعملية تكميم المعدة
كشف الفنانة مي كساب عن علاقتها بالفنانة الكوميدية شيماء سيف، قائلة:"كنت ضيفة شرف في مسلسل “ألف حمد الله على السلامة”، واحنا بنعمل مشهد مع شيماء سيف حسيت إنها مش مرتاحة بسبب زيادة وزنها".
وأضافت خلال لقائها ببرنامج "الراديو بيضحك" المذاع على الراديو 9090 ، اليوم الخميس، شيماء سيف قالت لى إنها مش مرتاحة بسبب زيادة وزنها بشكل أكبر مما كانت عليه في مسلسل أحلام سعيدة، وإن الأمر ده أثر على رجلها ومبقتش قادرة تقف".
وتابعت كساب قائلة:"أنا كنت خايفة علي نفسي في الأساس من عملية تكميم المعدة، ولكن مهما يكن الأمر حتى لو له أعراض جانبية مش هتبقى أكتر ولا أكبر من زيادة الوزن، فأقنعت شيماء سيف إنها تعمل العملية علشان تخس لإنها كانت تعبانة وعايشة معاناة فى التصوير".
واختتمت كساب حديثها قائلة:"قلت لشيماء سيف متخافيش، وأنا هفضل معاكي من وقت العملية وحكيت لها كل التفاصيل وإن مفيش خطورة ورشحت لها نفس الدكتور اللي عمل ليا نفس العملية واقنعتها حفاظا على صحتها وهي كوميديانة كبيرة وبتضحك ببقها مش بالكرش والدهون ولكن لها طريقتها وهي من عمالقة الكوميديا في الجيل الحالى.