بعد أزماتها وشائعات دخولها مصحة.. مدير أعمال شيرين السابق: ملجأتش ليا وموقفي حساس (خاص)

تعرضت الفنانة شيرين عبدالوهاب، لأزمة كبيرة خلال الأيام القليلة الماضية؛ إذ قدمت بلاغًا ضد شقيقها محمد عبدالوهاب، اتهمته فيه بالاستيلاء على حساباتها الرسمية بمواقع التواصل الاجتماعي.

أزمات شيرين لم تنته، إذ تردد منذ قليل أنباء حول دخول شيرين مصحة نفسية وهو ما نفاه طليقها حسام حبيب، في تصريحات تلفزيونية، وهو ما أثار قلق محبيها.

مدير أعمال شيرين السابق، ميمي فؤاد، والمعروف بمدى محبته واحترامه لها على الجانب الإنساني، قال في تصريح خاص لـ"وشوشة": مافيش تواصل خالص مع شيرين، أنا زي الجمهور كل اللي أنا أقدر أعمله إني أدعيلها ربنا يكرمها ويعملها اللي فيه الخير، لكن موقفي حساس جدًا في وجود الناس اللي معاها وحواليها.

وأضاف: أنا قلت قبل كدة لو احتاجتني هكون جمبها لكن محصلش ولجأت ليا، ومحاولتش تكلمني ولا احتاجت ليا، وأنا محرج اني أوصلها أو أكلمها، لأن وسط اللي حواليها، مببقاش عارف رد الفعل إيه أو ممكن يكون فيه إحراج ليا، وأتمنى ربنا يهديلها الأحوال كلها.

وكان حسام حبيب قد رد على أنباء دخول شيرين مصحة نفسية وقال: كل دا كلام غلط، شيرين كويسة وزي الفل، هي بس حالتها النفسية وحشة بسبب اللي عملوا اخوها فيها.

وتابع: أنا طبعا بشكرها أنها وضحت للناس إني كلامي صح، وكمان مبسوط جدا أنها طلعت اتكلمت، مش عشان اتكلمت عني لا خالص، ولكن عشان طلعت وتحررت، لأني عارف الضغط النفسي اللي عليها عامل إزاي  الله يكون في عونها.