جوهرة لـ"وشوشة": دوري بفيلم جوازة توكسيك محوري ومش هظهر فيه كراقصة

جوهرة
جوهرة

أعربت الراقصة جوهرة عن سعادتها البالغة، بمشاركتها في فيلم جوازة توكسيك، وهو من بطولة بيومي فؤاد، ليلى علوي، نسرين طافش، ملك قورة، محمد أنور، وإخراج محمود كريم.

 

وقالت جوهرة في تصريح خاص لـ"وشوشة": هو امتداد لسلسلة أفلام تضم ماما حامل وشوجر دادي، وكان ليا دور في شوجر دادي وكان من الطبيعي أقبل مشاركتي ودوري في جوازة توكسيك"

 

وأضافت: من اللحظة الأولى لكتابة السيناريو، مكنش متحدد اسم للدور والإسكريبت اتغير أكتر من مرة، كان الدور مختلف والقصة متشابهة في أول نسخة من السيناريو.

 

وتابعت: لما وافقت على السيناريو مكنش هو المعروض حاليًا، ولكن العمل كان شرف عظيم وخبرة كويسة خدتها ومكنش ينفع أرفض العمل لأني هتعاون مع شخصيات مهمة وشركة إنتاج كبيرة، والدور هنا مختلف عن شوجر دادي ومهم جدًا.

 

وأردفت: اتحمست للمشاركة والموافقة على الدور؛ لأني مش طالعة بدور راقصة هنا واتحمست جدًا عشان أخوض التحدي دة والتجربة دي وبحب التمثيل والكوميديا.

 

واستطردت: دوري في الفيلم ملوش مساحة كبيرة وصغير، لكن الشخصية مؤثرة ومحورية ومسببة للدراما بالفيلم، لأن من خلاله بيتسبب في بدء بعض المشاكل داخل أحداث الفيلم.

 

واختتمت: دوري كويس وذو قيمة ومهم وأتمنى يعجبكم وبيقدم المرح والتسلية للمشاهدين والبهجة، ممكن أكون مقدمتش أداء بالشكل العظيم اللي يكون 100 بالمئة، ولكن أتمنى الناس تعجب بيه وتشعر بالمرح والإيجابية وحبيت التعاون مع الممثلين بالفيلم.. بيومي فؤاد وتامر هجرس وليلى علوي ومالك أنور ونورين فاروق وكلهم والمخرج محمود كريم كمان من الشخصيات العظيمة.

تم نسخ الرابط