آيتن عامر تكشف عن نظامها الغذائي: "أهم حاجة المياه على الريق"
كشفت الفنانة آيتن عامر عن روتين يومها والنظام الغذائي الخاص بها، وذلك خلال استضافتها في برنامج ساعة سعادة تقديم د. باهي هاني ود. نورهان معتمد على شاشة قناة هي.
قالت الفنانة آيتن عامر، إن أهم شئ في النظام الغذائي هو تناول المياه على الريق، موضحة: "أنا روتيني بيتلخص في كلمتين ومؤخرا بقيت بشرب إزازة مياه صغيرة على الريق ودي حاجة مهمة جدا مكنتش بعملها قبل كدة، ولقيت واحدة صاحبتي بتقولي إني لازم أول ما أصحى من النوم أشرب إزازتين تلاتة مياه قبل أي حاجة في الحياة، فأنا حاولت أقلدها".
وأضافت: "وبعدها باخد القهوة بتاعتي وبعدها بفطر، أما الغذاء فدا اللي عندي مشكلة فيه، لكن نصحية لكل البنات اللي عايزين يعملوا دايت حضروا أكل الغذاء بتاع الأسبوع في التلاجة وسيبوه، ودا هيخليكوا متغلبوش، أما العشاء بيكون زبادي وفاكهة".