بالفيديو.. نجوى فؤاد: بدل الرقص حالياً غير محتشمة

قالت الفنانة نجوى فؤاد ، بحب رقص لوسي ودينا أما فيفي عبده فلها كاريزما تخطف وتجذب بها أنظار الجمهور وهذه موهبة من عند ربنا كل واحدة لها لون وطريقة.

وأضافت من خلال لقائها ببرنامج "شاي بالياسمين" المذاع على قناة "النهار"، الراقصات الروسيات والأوكرانيات عاملين زي فراخ الجمعية بيتلووا جامد وشكلهم جميل وبيمرنوا نفسهم وبيصرفوا على بدلهم مع أنها بدل عارية وأنا ضدها بس رقصهم مش بيعجبني.

وتابعت بدل الرقص على أيامنا ما كانتش عارية أنا اللي عملت الغطاء والشبك وكان الأول بيحطوا شوية خرز ونجمة ومدير الرقابة يحيى حقي قلت العري شكل رخيص فوافق على شكل بدلة الرقص وكل الراقصات ألزموا به الراقصات دلوقتِ بيلبسوا بدل رقص مش محتشمة وأنا مش راضية عنها ومش حلوة والدين بتاعنا ما بيقولش كدا ولا عاداتنا ولا تقاليدنا تقبل البدل بتاعت اليومين دول العري ده شئ رخيص ما ينفعش يحصل.

وأكدت لو رجع بيا الزمن مش هلبس بدلة رقص ولا أشتغل الشغلانة دي أنا كنت محتاجة الشغل لإني ما كناش معانا بدليل كنت بشتغل بـ50 قرش في اليوم لو رجع بي الزمن مش هعمل شغل الإغراء اللي عملته وبقيت أشوف في الأفراح بنات العائلات بيرقصوا بشكل فيه ابتذال وإغراء وحركات زي اللي بيرقصوا دلوقتى.