عبير الشرقاوي لـ"وشوشة": الوسط الفني مبيحبش المحجبات ولو هما مش بيحبونا إحنا كمان مش بنحبهم
أكدت الفنانة عبير الشرقاوي، أنها ليست متشدّدة تجاه الفن كما يعتقد البعض، إذ أوضحت أنّ الفنّ في حد ذاته هو رسالة، بها معاني إيجابية يتعلم منها المشاهد.
وأضافت في تصريح خاص لـ"وشوشة": "أنا مش متشددة، ولو اتعرض عليا دور وهطلع فيه بحجابي هوافق؛ لأن اللي ليا دوري وبس، ودي كانت فتوى من الشيخ يوسف القرضاوي.
وتابعت: يوسف القرضاوي الله يرحمه قالي قبل كدة بصي في الدور والخير اللي طالع من المسلسل، لو الخير اللي بالمكان أكتر من الشر اللي طالع منه اشتغلي، لكن لو الشر أكتر متقبليش ومتشتغليش.
وأردفت: الأهم إن دوري هو أكون بحجابي، ودي حاجة مش سهلة وصعبة في الوسط الفني، وعارفة إن المخرج هيفضل إنه يجيب واحدة مش محجبة للدور وهيخليها تلبس الحجاب.
واختتمت: المخرج مش هيجيب واحدة محجبة من الأصل تعمل الدور، والموضوع بسيط لو هما مش بيحبونا كمحجبات، إحنا كمان مش بنحبهم ومعندناش مشكلة.