زوجة عصام صاصا: جوزي مش بيدوس على الناس بفلوسه

ونشرت "زوجة عصام صاصا"، عبر حسابه الشخصي بموقع التواصل الإجتماعي "إنستجرام"، منشور جاء خلاله: "عصام أكثر واحد عمره ما بيرد على كلام الناس، بس الطرف الثاني ربنا يصبرهم يا رب، الإعلام استغلهم وخلاهم يطلع يتكلموا في وقت المفروض حد يقف جنبهم ويصبرهم، وخلاهم يتكلموا وهما أصلا مكنوش في الواقعة، بيقولوا إن أخوهم كان واقف على رصيف، غلط الكلام ده غلط ومن أول يوم وعصام قال أقواله في النيابة إن الرجل ظهر في نص الطريق".

وأضافت زوجة عصام صاصا: "بما أن القضية بقت رأي عام وعصام كل دا مطلعش رد عشان الحالة اللي هو فيها متسمحش، بس التجاريح والإشاعات كترت وإحنا لينا حق الرد، ولازم تسمعوا الحادثة من الطرفين قبل ما تحكموا، النهاردة أنا هطلع أدافع عن جوزي، وفي شهود في الحادثة هيطلعوا ويتكلموا، لأن الظلم حرام انا جوزي مش بيدوس على الناس بفلوسه، أنا جوزي اللي كنت بتقولوا عليه سواق توك توك جابها من الصفر، برضه أحن قلب وأكثر واحد بيحس بالناس فأنا مش هسمح أن أي كلمة غلط تتقال عليه تاني".