تامر حسنى: أتمني ذهابي للمغرب مرة تانية عشان وحشتوني
نشر نجم الجيل تامر حسني فيديو من اشهر حفلاته في المغرب في بداياته الفنية وذلك عبر صفحته الرسمية بموقع تبادل الصور والفيديوهات الشهير "إنستجرام"، ووجه تامر حسني من خلال الفيديو تحفيز وتشجيع لجمهوره.
ونشر تامر حسني الفيديو وعلق عليه قائلًا: كل كام يوم هتكلم معاكم عن لحظة مهمة في مشواري جايز تنفع أو تشجع حد محتاج يسمع عنها.
وأضاف الفيديو ده مش مجرد فيديو حفلة في حياتي لا ده إنتصار كبير في حياتي بدأت أحقق فيه في سن العشرينات كلام المذيع شهادة عظيمة في حقي وكلام كبير وكتير عليا بشكره من قلبي، حضور 400 ألف شخص محب وأنا من بلد تانية (مصر) تقدير غالي أو ي ليا وللموسيقي المصرية، استقبال الشعب المغربي الغالي العظيم ليا من المطار حتي الفندق وصولًا للحفل وللمطار مرة أخري.
وأختم حديثه قائلآ شعور مستحيل يتوصف لأن العدد ده قادم لشخص واحد مش مثلًا ماتش كورة وفريق كبير مهما اتكلمت مش هوفي حق أهل المغرب الكرام اللي عيشوني لحظة إنتصار كان أروع لحظات مشواري الفني في وقت كنت بتحارب فيه من ناس كتير كانت مستكترة عليا النجاح الحمد لله لكل مجتهد نصيب واتمني ذهابي المغرب مرة تانية عشان وحشتوني بزااااف.
يذكر أن تامر حسنى قدم آخر أفلامه "تاج" والذى تم عرضه فى موسم عيد الأضحى الماضى 2023، وشارك فى بطولته دينا الشربينى، عمرو عبد الجليل، ساندى، هالة فاخر، محمد أبو داود، إسراء أحمد، محمد الجوهرى، أحمد على، سمر متولى، احسان الترك وعدد آخر من الفنانين، وضيف الشرف أحمد بدير وقصة وسيناريو وحوار تامر حسنى وإخراج سارة وفيق.