حمو بيكا: عصام صاصا عمره ما كان مؤذى

وكتب "بيكا" عبر حسابه الشخصي بموقع "انستجرام" قائلآ: عصام صاصا عمره في حياته ما كان مؤذى أو شخص مش شخص كويس وأنا مش بكتب الكلام ده عشان اظيط في الظيطة ومش محتاج اظيط أنا ك حمو بيكا أنا أعرف الراجل ده من سنين ال سنين كمان خبط واحد بعربيته قضاء وقدر ياريت بقي الناس بتاعت التيك توك والصحافين والناس اللي هي بتعيط دي متركبش المركب بالشقلوب وتفضل تقول كلام محصلش الراجل ده دلوقتي في محنه.

وأضاف في أكتر من شخص بيطلعوا يعملوا فيديوهات ملهاش اي تلاتين لازمه ملكمش الحق انكم تتكلموا وملكمش الحق انكم تطلعوا تجيبوا سيرتو ب اي حاجه انا شايف كميه فيديو علي التيك توك بجد حاجه تقرف حاجه تدل على أن احنا شخصيات معندهاش مبداء وشخصيات مقرفه اي كان جريده أو الصحفيين اللي بيمشوا بالتليفونات فى اي حته دول انتم ملكمش الحق انكم تتكلموا فى اى حاجه اصلا ومين اداكم الحق للكلام ده بس بجد انتوا أبشع مما تتصورو.

واختم حديثة قائلآ الراجل مات وده نصيبو الله يرحمو ويرحم جميع أمواتنا لكن المزيدات ملهاش لازمه صدقوني والقانون والدولة هما الوحدين اللى ليهم الحق فى الكلمه أو في أي حاجه تخص الموضوع ياريت بقي نهدا ونبطل هرى ونهدا كل شوية جريده تطلعلنا واحده مبتعرفش تتكلم تفضل تهرى فى الموضوع ربنا يرحم اللي ماتو برحمتو  وربنا يرجعلنا عصام صاصا بالسلامة.