"بلاش تقرأولي قرآن".. تامر ضيائي يعلن عن وصيته بعد خضوعه لعملية بالقلب
أعلن الفنان تامر ضيائي عن وصيته بعد خضوعه لعملية قلب، حيث أوصى كل محبيه بالدعاء له إذا رحل، وبضرورة حضور جنازته، لأن حضور الجنازة بالنسبة له أهم من العزاء، وذلك حتى يزيد من ثوابه.
وكتب تامر ضيائي عبر حسابه الرسمي بموقع التواصل الاجتماعي "فيس بوك" قائلا: "بوست الوصية ده هيفضل باين على صفحتي لحد ما أموت.. الحقيقة إللي كلنا عارفينها ومتأكدين منها إننا كلنا ربنا كتبلنا إننا نموت في ميعاد محدد غير معروف، وعشان كده كتبت الكلام ده لأنى محتاج حاجات معينه تتعمل وحاجات خايف تتعمل وأنا مش عايز حد يعملها لمجرد إنها معروفه، ووقتها طبعًا مش هعرف أقولها لحد".
وتابع: "دي وصيتي صلاة الجنازة أهم من العزا، وهى اللى كل ما العدد زاد كل ما ثوابى ما كان أكتر، فأرجوكم تصلوا عليا، مش شرط تيجى العزا وياريت لو إتعمل فى البيت أو مكان بسيط بفلوسه تطلعولى صدقة جارية أفضل، من فضلكم لم يثبت أو يتفق عليه عمل خاتمة قرآن للمتوفى إنها هتوصله، بس مثبت إن الدعاء والصدقة بيوصلوا للميت، فرجاء دى بالذات بلاش وإدعولى الوقت اللى هتقروا فيه جزء فضوا نفسكم وإقعدوا إدعوا فيه".