هذه علاقة حورية فرغلي بالعفاريت والجن!
الأحد 24/مارس/2024 - 04:10 ص
وشوشة
جيجي محمود
تحدثت الفنانة حورية فرغلي، عن علاقتها بالعفاريت والجن، قائلة: الناس قالوا إنك بتشوفي الجن عشان عندك اضطرابات نفسية فهمينا إيه اللي بيحصل عندك في البيت.
وقالت من خلال حوارها مع الإعلامية بسمة وهبة، ببرنامج "العرافة" المذاع على قناة "النهار"، قائلة: أولا اللي في البيت عندي ده ملوش علاقة بالجن ولا السحر أنا كنت اشتريت الشقة دي وكانت مقفولة لسنين طويلة لأنها كانت بتاعت الأستاذ محمد عبد الوهاب.
وتابعت: اشتريت الشقة 2013 في مرة كنت قاعدة في الشقة لاقيت الشغالة داخلة عليا بالغداء وبقولها ليه جايبة الأكل دلوقتي قالتلي حضرتك اللي طلبتي فاستغربت وفي مرة تانية لقيت في الصالة بنت صغيرة قاعدة ومرة تالتة شوفت ولد صغير قاعد على السفرة وكمان جرس البيت كان بيرن لوحده في الأول خفت من الحاجات اللي بتظهر دي كتير ولكن دلوقتي مبقتش أشوفهم زي الأول وبسبب الموضوع ده سواقين وخدامين مشيوا من عندي.
وقالت: كان فيه عفاريت معايا في الشقة ولا يؤذونني وأقرا سورة البقرة كل يوم جمعة وبشغل القرآن وهذا لا يضايقهم هؤلاء موجودين ولا يختفون رغم قراءة القرآن.
