سمية الألفى تبكى على الهواء: الحياة اتغيرت بعد فراق الأحبة

بكت الفنانة سمية الألفي، علي الهواء، بعد تقرير مصور عن قصة حياتها عرضتها الإعلامية وفاء الكيلاني ببرنامج “السيرة” المذاع علي قناة “dmc”.

وقالت: "الحياة اتغيرت بعد فراق الأحبة ودموعى اللى نزلت مقدرش احبسها، وأحمد الفيشاوي قاللى مش عايز اشوف دموعك ممكن تحققيلي الأمنية دي".

 
وأوضحت: "دمعتي في الفرح أو الحزن بقت قريبة، رغم إني مكنتش كده وانا صغيرة ولكن لما نكبر ويفارقونا حبايبنا الدمعة بتبقي قريبة".

 
وأضافت: "لما ابويا مات وانا عندي 16 سنة قمت بدور الأم والأب مع اختي الصغيرة، ولم ابكى بعد رحيل والدي، وشخصيتي لما يبقى فيه موقف محتاجني لازم أكون متماسكة وقوية".

وتابعت: "والدي كان مرتبط بينا وقبل وفاته جمعنا لأنه كان عايز يشوفنا في اَخر لحظات حياته قبل الرحيل عن الدنيا، وبعد وفاة أبويا مرينا بأزمة مالية ولكنها لم تكن عنيفة لأن أحمد أخويا كان وقتها تولي إدارة مكتب والدي ووفر لنا إيراد شهري كان يكفينا، والدي ربانا على تحمل المسئولية".